Imewekwa: October 7th, 2024
Mkurugenzi Mtendaji wa Halmshauri ya Wilaya ya Ileje, Bi. Nuru Waziri Kindamba, ametoa shukurani na pongezi kwa Timu ya Madakitari Bingwa wa Mheshimiwa
Rais wa Jamhuri ya Muungano wa Tanzania Dkt Samia Suluhu Hassan, kwa huduma ya Matibabu ya Kibingwa waliyoitoa katika Hospitali ya Wilaya iliyopo Itumba.
Bi, Kindamba ametoa pongezi na shukurani hizo wakati wa hafla fupi ya kuwaaga Madakitari bingwa ambao wamemaliza muda wa kambi katika hospitali ya wilaya, ambapo amewapongeza kwa kuwahudumia vyema wananchi wa wilaya ya Ileje na kuwapa ahueni ya kupona maradhi ambayo yaliwakabili.
Aidha Mkurugenzi Mtendaji wa Halmashauri amemshukuru Mheshimiwa Rais wa Jamhuri ya Muungano wa Tanzania Dkt Samia Suluhu Hassani kwa kuwaleta Madakitari Bingwa hao ambao licha ya kutoa huduma ya matibabu wamebadilishana uzoefu wa kazi na Madakitari waliopo katika hospitali hiyo ya wilaya hali itakayopelekea kuimarika zaidi kwa huduma za afya katika hospitali hiyo.
Aidha kiongozi wa timu hiyo ya Madakitari Bingwa,Dr Peter Saria amemshukuru Mkurugenzi mtendaji wa Halmashauri pamoja na Uongozi wa Hospitali ya wilaya kwa ushirikiano, ukarimu, na jitihada walizozionesha wakati walipokuwa wameweka kambi katika hospitali hiyo.
Madakitari Bingwa wa Mheshimiwa Rais ,waliweka kambi ya siku tano katika hospitali ya wilaya iliyopo Itumba ambapo jumla ya Wagonjwa 257 walipata huduma ya matibabu ya kibingwa.
