WANAFUNZI ILEJE WAFURAIA KUJIFUNZA KWA TEHAMA

Imewekwa: April 25th, 2023

Wakati serikali ya Tanzania ikiendelea kuanzisha na kuimarisha mifumo mbalimbali ya TEHAMA katka utendaji kazi wake,wanafunzi wa shule ya Msingi Ikumbillo iliyopo katika Kata Chitete Wilayani humowameeleza namna wanavyonufaika na teknolojia ya Habari na Mawasiliano.

Wakizungumza shuleni wanafunzi wa shule hiyo walibainisha namna wanavyofaidika na TEHAMA katika kujifunza,huku wakipongeza juhudi za wazazi,walimu na serikali kwa ujumla katika kufikia hatua hiyo

Wanafunzi hao wa Darasa la Saba walikutwa darasani kwao wakitumia vifaa vya TEHAMA Ikiwemo komputa mpakato pamoja na projekta kufanya  maswali huku mwendeshaji mongozaji wa vifaa hivyo akiwa mwanafunzi

Akielezea mafanikio ya shule hiyo Mwalimu Mkuu wa shule hiyo alisma kuwa lengo lao kuu ni kuhakikisha madarasa yote yote yanafikiwa na TEHAMA.

Kwa miaka kadhaa sasa Tanzania ikiwa sehemu ya Ulimwengu imendelea kutengeneza mazingira mazuri ya uwekezaji katika kuiendeleza sekta ya teknolojia ya habari na mawasiliano ili kuwa sehemu ya Dunia ni Kijiji kimoja.